فديت الشحية عضو ممير
عدد الرسائل : 173 العمر : 34 الوظيفة : طالبة من طالبات المدرسة مزاجي : مرتاحه تاريخ التسجيل : 11/05/2008
| موضوع: الشيــــــــيه والعيوز شاعرالمــــ السبت مايو 17, 2008 4:41 am | |
| الشيبــــــــــــــــــــــه:
قلبي شباب ولازم اني اعرّس .. مابا العيوز اللي اتوسّد على الباب الخير وايد وانا ماني مفلّس .. عندي فلوسٍ تدعم البنك في الحساب
العـــــــــــــــــــــيوز: ما باقي غير خشمك وهالضرس .. تبغي تعرس وانت غادي شالغراب قابل صلاتك الله يشفيك م المس .. والاّ ترى باطب ويهك بالتراب
الشيبـــــــــــــــــــه: إنتي عيوز وأكلك الروب والخس .. اما انا ماكل سوى تكه و كباب ما فيني سكر غير ضغطي نازل بس .. دام الهوى فيني ترى كل شي طاب
العيــــــــــــــــــوز: لا بارك الله فيك يا الشيبه يا النحس .. ما تيبك الرمسه ولا ايبك اعتاب قصرلي صوتك مابا اسمع ولا حس .. عطني طلاقي وانقلع خاري الباب
الشيبــــــــــــــــه: دومك نحيسه وذا لسانك يبا قص .. ربي ترى حلل لي اربع بالكتاب هذا خميس الاعمى يا كم عرس؟ .. مرتاح في الدنيا بل اهم واعصاب
العيــــــــــــــــوز: بطران وراسك كالصخر يابس وعص .. مالوم طبعك يوم ربعك هالكلاب غادي شرا الاريل.. ودومك اتحيّس .. استح على ويهك.. أصلع ولعاب
الشيبـــــــــــــــــه: فكيني من ويهك ترى مالي أي نفس .. زهقان من شوفك وابغي لي أحباب هذا طلاقك طالقه اربع وخمس .. شلّي طلاقك من ضميري بلا احساب
العيـــــــــــــــــوز: مشكور يالشيبه ومن دون أي دس! .. عندي حبيب ما ابتعد لحظه وغاب يشريك ويبيعك تراه ابثمن بخس .. ما تسوى ظفره .. حلوٍ اسمر وجذاب
الشيبــــــــــــــــه: يالله قبل لا موت منك واغتص .. طلعتي لي قرنٍ وراسي بعد شاب يا شينه البرقع ترى قدرك اختس .. عيوز ولك في الدنيا خلان واحباب
العيــــــــــــــــوز: مثلك تراني وهذا لك في العمر درس .. لاني أميز بين شيبه وشباب والا نسيت اني على الموضه ألبس .. ما علموك اني بلا شيله وحجاب | |
|
×!عــشــوٍوٍقــ!× مشرف الالعاب
عدد الرسائل : 610 العمر : 32 مزاجي : حمادي على هواهـ يذبح العالم وراهـ تاريخ التسجيل : 23/04/2008
| موضوع: رد: الشيــــــــيه والعيوز شاعرالمــــ الأربعاء مايو 21, 2008 11:21 am | |
|
والا نسيت اني على الموضه ألبس .. ما علموك اني بلا شيله وحجاب..
خخخخخ..
يسلموووو فديت الشحيـه..
| |
|